پاکستان سے افغان مہاجرین کی محفوظ واپسی کے لیے تجاویز

پاکستان دنیا میں مہاجرین کے سب سے بڑے میزبان ممالک میں سے ایک ہےجہاں اکثریت افغان مہاجرین پر مشتمل ہے۔ ان میں سے کچھ مہاجرین پاکستان میں رجسٹرڈ ہیں اور ان کے پروف آف رجسٹریشنPOR) )کارڈ یا افغان سٹیزن کارڈ (ACC) جیسی قانونی دستاویزات ہیں جبکہ دیگر کے پاس رجسٹریشن کی کوئی سرکاری دستاویزات نہیں ہیں۔ حکومت پاکستان نے حال ہی میں یہ اعلان کیا ہے کہ پاکستان میں موجود افغان مہاجرین جن کے پاس کوئی قانونی دستاویز نہیں ہے جو انہیں ملک میں بطور مہاجرین رجسٹرڈ کرتی ہے وہ اپنے آبائی ملک واپس جائیں گے۔

پاکستان سے افغان مہاجرین کی واپسی ایک پیچیدہ عمل ہے۔ جن لوگوں کو واپس جانے کا مشورہ دیا گیا ہے انہیں کچھ مشکلات کا سامنا کرنا پڑ سکتا ہے۔ اس مضمون میں، ہم پاکستان سے محفوظ واپسی کے لیے تجاویز پر بات کریں گے۔ مضمون آپ کو روانگی سے پہلے، سفر کے دوران، اور آپ کے سفر کے بعد آمد کے مراحل میں عمل اور معلومات کو سمجھنے میں مدد کرے گا۔

روانگی سے پہلے

یہ وہ وقت ہے جب آپ اپنے سفر کی تیاری کرتے ہیں۔ آپ کے سفر کی ہمواری اور آسانی کا زیادہ تر انحصار اس بات پر ہے کہ آپ اس مرحلے میں کتنی اچھی تیاری کرتے ہیں۔

یہ چند تجاویز ہیں جن پر عمل کرکے آپ اپنے سفر کو آسان بنا سکتے ہیں۔

i)  (ضروری دستاویزات ایک جگہ جمع کریں۔

اپنے تمام ضروری شناختی دستاویزات جمع کریں مثال کے طور پر آپ کا  شناختی کارڈ، پاسپورٹ، ویزا، سرکاری خط، یا کوئی اور سرکاری دستاویز یا اجازت نامہ شامل ہو سکتا ہے۔

ii)  (بر وقت ٹکٹ یا گاڑی بک کریں۔

پریشانی سے بچنے کے لیے، اپنی مطلوبہ سفرکی تاریخ سے چند دن پہلے اپنا ٹکٹ یا گاڑی (اگر آپ نجی ٹیکسی یا وین پر سفر کرنا چاہتے ہیں) بک کریں۔ اپنے سفر کی تاریخ اور وقت کی تصدیق کریں۔ یقینی بنائیں کہ آپ کے سفر کے اوقات دن    کی روشنی میں ہو۔ اگر آپ کا سفر زیادہ ہے تو رات کے وقت کسی آبادی والے مقام پر ہوٹل یا گیسٹ ہاؤس میں ٹھہرنے کی کوشش کریں۔ رات کے وقت سفر کرنے سے اجتناب کریں۔

)iii) سفرکا راستہ چیک کریں

اپنا سفری راستہ چیک کریں اور ممکنہ خطرے والے علاقوں کی نشاندہی کریں۔ اگر ممکن ہو تو، اپنے راستے کی منصوبہ بندی کریں تاکہ ان علاقوں سے بچا جا سکے۔ اس کے علاوہ، اپنے فون پر اپنے راستے کا نقشہ ڈاؤن لوڈ کریں یا اس کی کاپی پرنٹ کریں۔

(iv)  اپنے پاس نقد رقم رکھیں

اگر آپ کو اپنی منزل پر غیر ملکی کرنسی کی ضرورت ہے تو اسے منی ایکسچینج سے بروقت حاصل کریں تاکہ آخری لمحے کی مشکلات سے بچا جا سکے۔ اپنے پاس اتنی رقم رکھیں کے منزل پر پہنچ کر کچھ دن آرام سے گزارا ہو سکے۔

نوٹ: حکومت پاکستان نے تقریباً 175 امریکی ڈالر نقد رقم کی حد مقرر کی ہے جو آپ اپنے ساتھ لے جا سکتے ہیں۔

v))طبی معائنہ

جانے سے پہلے اپنے خاندان اور اپنا  طبی معائنہ کروائیں تاکہ یہ یقینی بنایا جا سکے کہ آپ سب صحت مند ہیں ۔ سفر کے دوران صحت کے مسائل سے بچنے کے لیے یہ ضروری ہے۔اس بات کی جانچ کریں کہ آپ کی منزل پر یا آپ کے راستے میں کوئی وباء تو نہیں پھیل رہی  اور اگر ممکن ہو تو اس سے بچاؤ کے ٹیکے لگائیں۔

(vi) اپنا بیگ تیار کریں۔

چند تجاویز جن پر آپ اپنا بیگ پیک کرتے وقت عمل کر سکتے ہیں،

•  پیکنگ کے لیے مضبوط تالے اور  اچھے معیار کے بیگ حاصل کریں تاکہ آپ کا سامان محفوظ رہے۔
• اپنے سامان پر اپنا نام اور پتہ لکھیں تاکہ اسے آسانی سے پہچانا جا سکے۔
• آپ اپنے سامان کی ایک چیک لسٹ بھی بنا سکتے ہیں، جسے آپ اس بات کو یقینی بنانے کے لیے استعمال کر سکتے ہیں کہ آپ کچھ پیچھے نہ چھوڑیں۔
• خاندان کے ہر فرد کے لیے ضروری دستاویزات کاایک چھوٹا سا بیگ بنائیں - ترجیحا ایک کراس باڈی بیگ یا فینی پیک - جس میں آپ اہم سفری دستاویزات، اپنے سفری راستے کا پرنٹ، اور اہم رابطہ معلومات رکھ سکتے ہیں۔
• ضروری اشیاء جیسے بیٹری بینک، سیل فون چارجرز، ٹارچ، بیٹریاں، ماچس، صابن، ہینڈ سینیٹائزر وغیرہ کو الگ بیگ میں پیک کریں اور اسے ہاتھ میں رکھیں۔
• باہر کا کھانا اور پانی عام طور پر جراثیم سے بھرے ہوتے ہیں، جو آپ کو بیمار کر سکتے ہیں، اس لیے یہ ضروری ہے کہ آپ صاف پانی اور گھرکا کھانا بھی پیک کریں۔

      ممنوعہ اشیاء کو پیک نا کریں(vii)

دنیا بھر کی حکومتیں بعض اشیاء کو اپنے ملک کے اندر اور باہر لے جانے کی اجازت نہیں دیتیں۔ اس میں اسلحہ جیسے پستول یا رائفل، دھماکہ خیز مواد، منشیات وغیرہ شامل ہیں۔ ایسی اشیاء ہرگز پیک نہ کریں۔

(viii) ہنگامی صورت میں رابطے کی فہرست

تمام اہم نمبروں کے ساتھ ایک ہنگامی صورت میں  رابطے کی فہرست تیار کریں (اس میں پاکستان اور افغانستان دونوں کے نمبر شامل کریں)۔ یقینی بنائیں کہ یہ نمبر آپ کے فون میں محفوظ ہیں اور ساتھ ہی ڈائری میں بھی لکھے ہوئے ہیں۔ اس کے علاوہ، سرکاری حکام کے رابطے کی تفصیلات کے ساتھ ایک فہرست تیار کریں۔

آپ UNHCR پاکستان اور اس کے شراکت داروں سے رابطہ کی تفصیلی معلومات UNHCR پاکستان کی ویب سائٹ پر حاصل کر سکتے ہیں۔ IOM پاکستان اور اس کے شراکت داروں کی رابطہ کی معلومات کے لیے، آپ یہاں کلک کر سکتے ہیں۔

UNHCR افغانستان سے رابطہ کرنے کےلیے، آپ ان کی ویب سائٹ پر رابطے کی مکمل تفصیلات یہاں دیکھ سکتے ہیں۔

(ix) اپنے خاندان اور دوستوں کو اپنے سفر کی تفصیلات سے آگاہ کریں

اپنے سفر کی تفصیلات اپنے خاندان اور دوستوں کے ساتھ شیئر کریں۔ اگر ممکن ہو تو، آپ جس گاڑی میں سفر کر رہے ہیں اس کا نمبر، آپ کی روانگی اور آمد کا وقت، آپ کا راستہ، اور اپنے ٹکٹوں کی تصاویر ان کے ساتھ شیئر کریں۔

x)  (آرام دہ اور موسم کے مطابق کپڑے پہنئیں

اپنے سفر کے لیے آرام دہ اور موسم کے مطابق کپڑے تیار کریں۔ اپنے راستے اور اپنی منزل پر موسم کی جانچ کریں تاکہ وہاں ٹھنڈ ہونے کی صورت میں، آپ سویٹر، جیکٹ یا شال پہن سکتے ہیں۔

آپ The Weather Channel کی ویب سائٹ یا آپ کے فون پر دستیاب مختلف موسمی ایپلیکیشنز کے ذریعے ان علاقوں کا موسم چیک کر سکتے ہیں جہاں آپ سفر کر رہے ہوں گے ۔

xi) (مہنگی اشیاء پہننے سے گریز کریں 

زیورات یا گھڑی جیسی مہنگی یا چمکدار چیزیں نہ پہنیں، کیونکہ ان کی وجہ سے آپ ڈکیتی کا نشانہ بن سکتے ہیں۔

xii)  (بس سٹاپ تک بروقت پہنچنے  کا انتظام کریں۔

اگر آپ بس میں سفر کر رہے ہیں، تو آخری لمحات کی تاخیر سے بچنے کے لیے وقت پر بس سٹاپ تک پہنچنے  کا انتظام کریں۔

(xiii) سفر کے لیے مناسب گاڑی کا انتخاب کریں۔

اس بات کو یقینی بنائیں کہ آپ جس گاڑی سے سفر کر رہے ہیں وہ اچھی حالت میں ہے ۔

دوران سفر

 دورانِ سفرآپ ان حفاظتی نکات پر عمل کر کے اپنا سفر آسان بنا سکتے ہیں۔

i)) اپنے خاندان کو ایک جگہ پر اکٹھا رکھیں

اپنے روٹ پر، بس اسٹیشن کے ارد گرد یا اسٹاپ پر نہ گھومیں۔ بچوں کو بالغوں کی سخت نگرانی میں رکھیں۔ اگر آپ کے خاندان میں ایک سے زیادہ بچے ہیں، تو گھر کے ہر بالغ فرد کو ایک یا زیادہ بچے کی دیکھ بھال کے لیے مخصوص کریں۔ جانے سے پہلے اور ہر اسٹاپ پر افراد کی گنتی کریں۔

ii) (ہجوم سے بچیں

بس اسٹیشن پر یا اس کے آس پاس ہجوم والی جگہوں سے پرہیز کریں کیونکہ آپ اس میں اپنے خاندان کے افراد کو کھو سکتے ہیں یا اپنی سلامتی کو خطرے میں ڈال سکتے ہیں۔

(iii) دھوکہ بازوں سے بچیں

بس اسٹیشنوں پر، بسوں پر، یا راستے میں دھوکہ بازوں سے بچیں۔آپ کس کے ساتھ بات چیت کرتے ہیں اس سے ہوشیار رہیں، اور کسی اجنبی کی طرف سے کوئی پیشکش قبول نہ کریں۔ سڑک پر مختلف قسم کے دھوکے ہوتے ہیں، مثال کے طور پر، کوئی آپ کو نقد بدلنے کی پیشکش کر سکتا ہے اور بدلے میں آپ کو جعلی کرنسی دے سکتا ہے یا وہ بتا سکتا ہے قیام کے لیے ا سستی جگہ  کا کہہ کر آپ کو جرائم پیشہ اافراد کے حوالے کرسکتا ہے۔ یہی وجہ ہے کہ اپنے اردگرد کے ماحول سے ہوشیار رہیں۔

(vi) اپنی قیمتی اشیاء پر نظر رکھیں

اگر آپ کے سامان میں کوئی قیمتی چیز ہے جیسے سیل فون، ریڈیو یا لیپ ٹاپ تو ان پر نظر رکھیں۔ اگر آپ کو راستے میں واش روم جانا پڑے تو اپنے قیمتی سامان کو صرف اپنے خاندان کے پاس چھوڑ یں۔

(v)  اپنا بیگ اِدھر اْدھر  نہ چھوڑیں

اپنے سامان پر نظر رکھیں کیونکہ مجرمانہ سوچ رکھنے والے لوگ ان میں منشیات، ہتھیار، یا کسی بھی قسم کی دھماکہ خیز مواد جیسی غیر قانونی اشیاء رکھ سکتے ہیں۔ یا بعض صورتوں میں آفیشل سیکیورٹی آپ کی غیر توجہ شدہ اشیاء کو معائنہ کے لیے لے جا سکتی ہے جو تاخیر یا مسائل کا سبب بن سکتی ہے۔

 (vi) اجنبیوں سے کھانا لینے سے گریز کریں

اجنبیوں سے کھانا یا پانی لینے سے گریز کریں، کیونکہ یہ نشہ آور یا زہر آلود ہو سکتی ہیں۔

(vii) سڑک کے کنارے کھانے سے پرہیز کریں

سڑک کے کنارے یا سٹاپ پر کھانا کھانے سے گریز کریں کیونکہ یہ آپ کی صحت کو خطرے میں ڈال سکتا ہے۔ اگر ضروری ہو تو، صرف پیکڈ فوڈ یا کھانا خریدیں جوصفائی سے بنایا گیا ہو۔

(viii) حفظان صحت کا خیال رکھیں

واش روم استعمال کرنے یا کھانے سے پہلے اور بعد میں ہاتھ دھوئیں۔ اپنے بیگ میں صابن رکھیں تاکہ آپ اس سے اپنے ہاتھ اچھی طرح دھو سکیں۔ اگر ہاتھ دھونا ممکن نہ ہو تو ہینڈ سینیٹائزر استعمال کریں۔ اگر آپ کو لگتا ہے کہ آپ کو کسی ساتھی مسافر سے فلو یا کوئی اور وائرل انفیکشن ہو سکتا ہے تو چہرے کا ماسک پہنیں۔

آپ سفر کے دوران صحت سے متعلق احتیاطی تدابیر کے بارے میں عالمیِ ادارئے صحت کی مکمل ہدایات چیک کر سکتے ہیں۔

(ix) بارڈر پر حکام کے ساتھ تعاون کریں

اس بات کو یقینی بنائیں کہ جب آپ بارڈر پر پہنچیں تو آپ کے پاس دستاویزات تیار ہوں۔ حکام کے ساتھ تعاون کریں، اپنے دستاویزات  ان کو دکھائیں، اور ان کے سوالات کا مکمل جواب دیں۔ صرف آپ سے پوچھی گئی سوالات کا جواب دیں، لیکن ضروری معلومات کو نہ چھپائیں، کیونکہ یہ آپ کو مشکوک بنا سکتی ہے۔ طنزیہ تبصروں اور لطیفوں سے پرہیز کریں کیوں کہ اس سے آپ مشکوک ظاہر ہوسکتے ہیں۔

 (x) غیر قانونی یا غیر رسمی بارڈر کراسنگ سے گریز کریں

غیر قانونی طور پر یا غیر رسمی بارڈر کراسنگ کے ذریعے سرحد عبور نہ کریں، کیونکہ یہ آپ کو حکام کی طرف سے گولی مارنے یا گرفتار کیے جانے کے خطرے میں ڈال سکتا ہے۔ پاکستان اور افغانستان کے درمیان اس وقت خیبرپختونخوا اور بلوچستان میں 8 باضابطہ سرحدی گزرگاہیں ہیں۔

(xi) مسلح یا عسکریت پسند گروپوں کے ساتھ تصادم سے گریز کریں

اگر آپ راستے میں کسی مسلح یا عسکریت پسند گروپ سے ملیں تو ان کا مقابلہ نہ کریں ۔ اپنے خاندان اور اپنی حفاظت کو یقینی بنانے کے لیے ضروری اقدامات کریں۔

(xii) مسائل سے بچنے کے لیے مقامی قوانین پر عمل کریں

مختلف جگہوں سے سفر کرتے وقت، ان کے مقامی رسم و رواج اور قوانین کی پیروی کسی بھی پریشانی یا مسائل سے بچنے کے لیے ضروری ہے۔ اپنے آپ کو باخبر رکھیں اور چوکس رہیں۔

(xiii) محفوظ رات کے قیام کو یقینی بنائیں

اگر آپ کے سفر میں رات کا قیام شامل ہے، تو کسی بھی خطرے سے بچنے کے لیے شہر یا قصبے کے بیچوں بیچ ہوٹل یا گیسٹ ہاؤس کا انتخاب کریں۔ اجنبیوں سے ان کے گھروں میں رہنے کی پیشکش قبول نہ کریں۔ اپنے خاندان اور دوستوں کو ہوٹل کے نام اور رابطے کی تفصیلات سے آگاہ کریں۔

آمد کے بعد

آپ اپنی منزل پر پہنچنے پر یہ حفاظتی اقدامات اٹھا سکتے ہیں۔

(i)   اپنے خاندان کو ایک جگہ جمع کریں

جب آپ اپنی منزل پر پہنچیں تو اپنے خاندان کو ایک جگہ پر جمع کریں اور یقینی بنائیں کہ انہوں نے اپنا کوئی سامان بس میں نہیں چھوڑا ۔

ii)  (اپنا سامان چیک کریں

اس بات کو یقینی بنانے کے لیے کہ آپ کے پاس آپ کا تمام سامان موجود ہے اپنے بیگ چیک کریں۔ آپ یہاں اپنی چیک لسٹ استعمال کر سکتے ہیں تاکہ یہ یقینی بنایا جا سکے کہ آپ کے پاس آپ کا تمام سامان موجود ہے۔

iii)  (حکام کو رپورٹ کریں

اگر آپ کو حکام کو اپنی آمد کی اطلاع دینے کی ضرورت ہے، تو یقینی بنائیں کہ آپ سب سے پہلے یہ کام کریں۔ یہ آپ کی حفاظت اور کوئی امداد حاصل کرنے کو یقینی بنانے کے لیے ضروری ہو سکتا ہے۔

(iv) لوکل سم حاصل کریں

اگر ممکن ہو تو، فوری طور پر ایک مقامی سم حاصل کریں تاکہ آپ اپنے خاندان اور دوستوں سے رابطہ کر سکیں۔ یا ایمرجنسی کی صورت میں حکام سے مدد حاصل کرسکیں۔

(v)اپنے دوستوں اور اہل خانہ کو مطلع کریں۔

اپنے اہل خانہ اور دوستوں کو اپنی منزل پر پہنچنے کے بارے میں مطلع کریں۔

vi)  (قیام کے لیے ایک محفوظ جگہ کا انتخاب کریں۔

اگر آپ افغانستان میں اپنے خاندان یا دوستوں کے ساتھ رہ رہے ہیں، تو انہیں اپنی آمد کے بارے میں مطلع کریں تاکہ وہ آپ کو بس اسٹاپ سے اٹھا سکیں۔ اگر آپ کسی جگہ کو کرایہ پر لینے یا ہوٹل میں ٹھہرنے کا ارادہ رکھتے ہیں، تو یقینی بنائیں کہ وہ کسی محفوظ علاقے میں ہو۔

افغانستان میں وسائل

اگر آپ کے ذہن میں کوئی سوال ہے یا آپ کو افغانستان میں کوئی مسئلہ درپیش ہے تو آپ ان کے فیس بک پیج کے ذریعے Beporsed Afghanistan سے رابطہ کر سکتے ہیں۔ یا آپ UNHCR افغانستان سے ان کی ویب سائٹ پر دی گئی معلومات کے ذریعے سے رابطہ کرسکتے ہیں۔ آپ اپنے فون سے 410 ڈائل کرکے "آواز افغانستان" سے بھی رابطہ کر سکتے ہیں۔

بولو سے پوچھیں

کیا آپ کے پاس پاکستان میں افغان مہاجرین کے لیے خدمات کے حوالے سے کوئی سوال ہے؟ افغان پناہ گزینوں کے لیے ملک میں مختلف خدمات کے بارے میں ذاتی رہنمائی حاصل کرنے کے لیے، آپ ہمیں  بولو فیس بک پیج پر ایک نجی پیغام بھیج سکتے ہیں۔ ہمارے ماڈریٹرز کی ٹیم پیر سے جمعہ صبح 9:00 بجے سے شام 5:00 بجے تک سوالات کا جواب دیتی ہے۔